Austria sërish nën izolim të plotë për shkak të coronavirusit
15/11/2020
Austria do të implementojë një bllokim të dytë mbarëkombëtar në një përpjekje për të parandaluar përhapjen e mëtejshme të coronavirusit.
Sipas BBC, përcjell Telegrafi, bllokimi i ri do të jetë në fuqi për të paktën dy javë e gjysmë.
Kancelari austriak, Sebastian Kurz, iu ka kërkuar qytetarëve që të mos takojnë askënd jashtë shtëpisë së tyre, në mënyrë që të frenohet rritja e shpejt e infeksioneve.
Ai deklaroi se shkollat do të mbyllen derisa studentët do të mësojnë nga shtëpia kur masat e reja të hyjnë në fuqi nga e martja.
Austria raportoi të premten më shumë se 9,500 raste të reja nga coronavirusi, ndërkohë numri i përgjithshëm i të prekurve vlerësohet të jetë rritur në 191 mijë. /Telegrafi/