Arsenali dhe trajneri Mikel Arteta kanë shkruar historinë pas fitores së sotme ndaj Chelseat në finalen e Kupës FA.
Arsenali ka arritur të fitojë me rikthim ndeshjen finale të Kupës FA ndaj Chelseat, duke i mposhtur rivalët e urryer lokal me rezultat 2-1.
Golat në këtë ndeshje u shënuan nga Pierre-Emerick Aubameyang (28’,67’) për Arsenalin, ndërsa për Chelsean shënoi Christian Pulisic (4’).
Me këtë triumf në Kupën FA, Arsenali e çon në 14 numrin e trofeve të fituar në këtë garë, duke qenë klubi i vetëm me këto shifra.
Përcjellësi më i afërt i Topçinjve është Manchester Unitedi me 12 trofe të Kupës FA, ndërsa Chelsea dhe Tottenham Hotspur kanë nga tetë trofe.
Megjithatë, ky triumf i Arsenalit do të ishte i pamundur pa trajnerin Arteta, i cili gjithashtu theu një rekord pas fitores në finale ndaj Chelseat.
Arteta është bërë njeriu i parë që arrin ta fitojë këtë trofe si lojtar dhe trajner i një ekipi. Këtë nuk e kishte bërë askush më parë. /Telegrafi/