25:"© Andy Hooper/Daily Mail
25/09/2017
Arsenali ka fituar me rezultat 2-0 takimin e javës së gjashtë të Ligës Premier ndaj West Bromwich Albionit.
Topçinjtë janë kthyer te fitoret në kampionat ndaj WBA-së pas barazimit në ndeshjen e fundit përball Chelseat.
Golat në këtë takim për skuadrën e Arsene Wengerit u shënuan nga sulmuesi francez, Alexandre Lacazette (20’, 67’).
Megjithatë, lojtari më i vlerësuar i ndeshjes ishte mbrojtësi Nacho Monreal, i cili u notua me 8.9, ndërsa me notën më të ulët u vlerësua Craig Dawson me 5.6.
Në këtë ndeshje për 90 minuta luajtën edhe dyshja me prejardhje shqiptare, Granit Xhaka dhe Shkodran Mustafi, të cilët u notuan me 6.8, respektivisht 7.3. /Telegrafi/
