Arrestohet personi që dyshohet se sulmoi me sëpatë gruan e tij në Lipjan
24/11/2025
Arrestohet i dyshuari për tentim vrasjen e gruas së tij me sopatë në Gadime të Lipjanit.
Lajmin e bëri të ditur zëdhënësja e Prokurorisë Themelore në Prishtinë, Kaltrina Shala.
Sipas saj, personi dyshohet se ka kryer veprën penale “Vrasje e rëndë në tentativë”.
“Po rreth orës 12:30 është arrestuar i dyshuari K.E., për shkak të dyshimit se ka kryer veprën penale ‘Vrasje e rëndë në tentativë’ sipas nenit 173 te kodit Penal të Republikës së Kosovës”.
Ndryshe, gruaja që dyshohet se u sulmua me sëpatë sot nga burri i saj në Gadime të Lipjanit, është në gjendje stabile.
Lajmin për Telegrafin e ka konfirmuar drejtori i Emergjencës në Prishtinë, Naser Syla.
“Gjendja e saj është stabile”, tha shkurt Syla. /Telegrafi/