Arrestohet një shtetas i Maqedonisë në Austri, dyshohet për pjesëmarrje në organizatat terroriste
26/01/2017
Një shtetas i Maqedonisë sot është arrestuar në Austir, nën dyshimet se është i lidhur me grupin e ashtuquajtur "Shteti Islamik". Një bullgar dhe 10 persona tjerë, mes tyre edhe shtetasi i Maqedonisë janë arrestuar në Austri nën dyshimin se janë pjesë e organizatave terroriste, përcjell Telegrafi Maqedoni.
Mes të arrestuarve ka tre shtetas të Austrisë, dy të Bosnjës, një sirian dhe një shtetas i Maqedonisë. Ata janë në moshën prej 21 deri 49 vjeçate.
Në këtë aksion kanë marrë pjesë 800 policë, që kanë pasur për qëllim kapjen e personave nga ish Jugosllavia , si të dyshuar se kanë krijuar rrjet të organizatave terroriste në Austri./Telegrafi/