Arrestohet një person në Mitrovicë të Jugut, dyshohet se grabiti stoli ari dhe para

Një person është arrestuar në fshatin Shupkovc të Mitrovicës së Jugut, nën dyshimin se me përdorim force kishte depërtuar në shtëpinë e një personi dhe kishte vjedhur stoli ari dhe para të gatshme.

Sipas raportit të Policisë së Kosovës, rasti ka ndodhur më 9 gusht, ndërsa i dyshuari është arrestuar lidhur me rastin e vjedhjes së rëndë.

Pas intervistimit në polici, me vendim të prokurorit, i dyshuari është dërguar në mbajtje.

Rasti është duke u hetuar nga organet kompetente. /Telegrafi/