Pas komenteve raciste të Liam Neeson, janë anuluar të gjitha intervistat që duhej t'i jepte në tepihun e kuq, para premierës së filmit "Cold Pursuit" në New York.
Organizatorët i kanë njoftuar gazetarët se nuk do të ketë intervista dhe parakalim të zakonshëm në tepihun e kuq disa orë para premierës së filmit, sepse e kanë konsideruar si lëvizje më të mirë për aktorin dhe filmin.
Kujtojmë që Neeson në një intervistë për The Independent, e kishte kujtuar një ngjarjen traumatike kur një shoqe e tij ishte përdhunuar para shumë vitesh.
Mirëpo, fjalët që i ka përdorur janë konsideruar si raciste dhe opinioni publik e ka kritikuar në masë të madhe 66-vjeçarin.
“Dola lart e poshtë me një shufër hekuri, me shpresën se do të më afrohej dikush – e them i turpëruar – dhe e kam bërë këtë për ndoshta një javë, duke shpresuar se ndonjë bastard i zi do të dilte nga ndonjë lokal dhe do të më afrohej për diçka… Në mënyrë që… ta vrisja”, kishte treguar Neeson.
Kritikat janë fokusuar te pjesa "bastard i zi", ndërsa pos përdoruesve të zakonshëm të rrjeteve sociale, ai është kritikuar edhe nga personalitete të njohura.
Në mesin e tyre është edhe këngëtarja Lily Allen, e cila e ka quajtur aktorin "racist të neveritshëm" dhe ia ka dedikuar këngën "F**k You". /Telegrafi/