Anthony Joshua ka rënë dakord që të luftojë me Jarrell 'Big Baby' Miller në New Jork.
Kampioni botëror i peshave të rënda është i vendosur që ta bëjë debutimin e tij të shumëpritur në SHBA me 1 ose 8 qershor.
Joshua do t'i mbrojë titujt e tij kundër amerikanit në Madison Square Garden, shkruan Fox Sports.
Eddie Hearn kohët e fundit e ka pranuar se data e prillit në Wembley mund të shtyhen.
Dhe tani duket sikur është zëvendësuar stadiumi me një natë nën dritat e 'Mekës të boksit'.
Ishte pritur së fundmi një ndeshje me britanikun tjetër, Dillian Whyte, për në maj ose qershor, por as ky mec nuk do të ndodh dhe këtë e ka konfirmuar Hearn për Sky Sports.
"Me Jarrell Miller është mundësia në fillim të qershorit në MSG [Madison Square Garden, Las Vegas", kishte thënë Hearn. /Telegrafi/