Një bllokim i dytë i Gjermanisë mund dhe do të shmanget, kështu ka njoftuar ministri i vendit për Çështjet Ekonomike dhe Energjisë, Peter Altmaier.
Duke folur në një konferencë për shtyp, Altmaier tha se gjendjen më të keqe të pandemisë gjermanët e kanë lënë pas dhe se ekonomia e vendit ishte përmirësuar që nga muaji maj, raporton CNN, përcjell Telegrafi.
Por ai tha që Prodhimi i Brendshëm Bruto e vendit pritej të bjerë me 5.8 për qind në vitin 2020.
Komentet e ministrit vijnë ndërsa zyrtarët në Gjermani po përplasen me protesta anti-qeveritare.
Të shtunën, mijëra njerëz marshuan në Berlin për të protestuar kundër rregullave të COVID-19, me disa flamuj imperialistë që ishin të lidhura me grupin e ekstremit të djathtë "Reichsbuerger".
Ndryshe, Gjermania ka raportuar deri më tani mbi 245 mijë raste me COVID-19, ndërsa kanë ndërruar jetë 9,371 persona. /Telegrafi/