Alarm për një burrë me armë, evakuohet ndërtesa e “USA Today”

Zyra e USA Today në Virginia u evakuua pasi policia njoftoi se brenda ndërtesës kishte një njeri me armë, por autoritetet tani thonë se ky raport ishte një gabim.

Sipas mediave të huaja, përcjell Telegrafi, Policia e Qarkut Fairfax ka shkruar në Twitter se ata po punojnë për të hetuar kërcënimin e raportuar, por që nuk kishte asnjë provë për ndonjë dhunë apo plagosje.

Sipas një zëdhënësi të policisë, punonjësit brenda ndërtesës së zyrës që strehojnë selinë e Gannett dhe të USA Today u evakuuan.

Policia e Qarkut Fairfax fillimisht tha se i ishin përgjigjur raporteve për një burrë me armë në ndërtesë.

Pas kësaj, ishte bërë lëshimi i alarmeve në ndërtesë ndërsa makinat e policisë arritën në vendin e ngjarjes.

Oficerët e armatosur me forca të blinduara trupi patrulluan zonën ndërsa një helikopter fluturoi sipër ndërtesës. /Telegrafi/