Al-Hilal nuk e kanë hequr dorë nga interesimi për sulmuesin e Chelseat, Romelu Lukaku.
Klubi nga Saudi Pro League ishte në bisedime me belgun muajin e kaluar, por sulmuesi insistoi në atë kohë që dëshironte të qëndronte në Evropë.
Megjithatë, Al-Hilal nuk po heq dorë nga bindja e Lukakut për një lëvizje në Lindjen e Mesme.
Mbetet shpresa se Lukaku mund të bindet, sipas asaj që raporton Evening Standard.
Interi tashmë ka dështuar me një ofertë prej 30 milionë eurosh për belgun ditët e fundit, ndërsa Chelsea u ka bërë të ditur çmimin Nerazzurëve.
Klubi londinez po kërkon mbi 40 milionë euro, shumë kjo që aktualisht është e pa përballueshme për ekipin italian.
andaj, Al-Hilal po shpreson që Lukaku të bindet nga një ofertë e tyre e re dhe të kompletojë kalimin atje. /Telegrafi/