Aksident trafiku tek Liqeni i Badovcit
16/02/2022
Një aksident trafiku ka ndodhur në magjistralen Prishtinë-Gjilan, më saktësisht tek Liqeni i Badovcit.
Një kombi ka dalë nga rruga, ndërsa në vendin e ngjarjes ka dalë edhe Policia e Kosovës.
“Sot rreth orës 09:00,në rrugën Prishtinë - Gjilan, ka ndodhur një aksident trafiku, ku është përfshirë një veturë.
Si pasojë e aksidentit dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor”, konfirmon Policia e Kosovës për Telegrafin.
Hetuesit rajonal të njësitit të trafikut, kanë nisur një hetim për zbardhjen e shkaqeve të këtij vet-aksidenti. /Telegrafi/