Aksident në rrugën Ohër - Resnjë, ndërron jetë një motoçiklist

Një aksident i rëndë trafiku ka ndodhur mbrëmë në rrugën Ohër – Resnjë, afër urës Prentov. Në aksident ka humbur jetën një motoçiklist.

Sipas informacioneve, motoçiklisti është përplasur me një autobus dhe ka ndërruar jetë si pasojë e plagëve të marra.

Zëdhënësi i SPB Ohër, Stefan Dimoski, ka konfirmuar se ka ndodhur një aksident i rëndë trafiku dhe se po hetohet nga policia e trafikut. Ai ka bërë të ditur më shumë detaje rreth ngjarjes tragjike për ditën e sotme.