Aksident në Rrugën e Kombit, makina përplas 8-vjeçarin
31/05/2022
Një aksident i rëndë ka ndodhur mëngjesin e të martës në Rrugën e Kombit, ku një makinë ka përplasur një fëmijë vetëm 8 vjeç.
Aksidenti është regjistruar në segmentin Milot-Rrëshen, pranë fshatit Fan. Fëmija është dërguar në spital për ndihmë mjekësore, ku sipas raportimeve paraprake ndodhet jashtë rrezikut për jetën.
Policia ka nisur verifikimet paraprake për zbardhjen e shkaqeve të aksidentit. /Telegrafi/