Këngëtarja dhe tekstshkruesja angleze, Adele, është përballur së fundmi me disa kritika nga fansat.
32 vjeçarja u akuzua për përvetësim kulturor pasi u shfaq në një palë bikini me flamur xhamaikan dhe stil afrikan flokësh për të shënuar festën e anuluar të karnavaleve të Notting Hill në Londër.
Ky karnaval ka për qëllim të festojë kulturën e Karaibeve dhe është zhvilluar që nga viti 1966, sipas BBC.
Këtë vit, përvoja ishte virtuale.
Në foton e ndarë në Instagram, artistja pozonte në kopshtin e shtëpisë së saj në Beverly Hills, me flokët në toptha me stil 'Bantu', që u quajt ‘veprim i pandjeshëm’ nga shumë komentues me origjine afrikane.
Shumë nga fansat pretendonin se krijuesja e hitit “Hello” po përfitonte nga kultura e njerëzve me ngjyrë, por të tjerët shtuan faktin se ajo është rritur në Tottenham të Londrës, e rrethuar nga kultura e njerëzve.
Ndërkaq, reagimet për këtë nuk munguan as nga yjet e famshme përfshirë këtu supermodelen Naomi Campbell.
Kjo e fundit kishte vendosur në foton e Adele dy simbole zemrash dhe një flamur xhamaikan. /Telegrafi/
