Ambasadori shqiptar në OKB i drejtohet Rusisë: Haradinaj u përball me drejtësinë dhe fitoi, a do ta bëni edhe ju të njëjtën gjë?

Gjatë fjalës së tij në Këshillin e Sigurimit në OKB ku ka folur për mbajtjen e përgjegjësisë për krimet e luftës, Ambasadori i Shqipërisë në OKB, Ferit Hoxha i ka kthyer përgjigje Rusisë për të cilën ai thotë se ka përmendur ish-kryeministrin e Kosovës, Ramush Haradinaj.

Hoxha u shpreh se Haradinaj, i cili u përmend konkretisht, u gjykua dhe u lirua dy herë si i pafajshëm.

“Ai nuk u fsheh, dha dorëheqjen nga posti i kryeministrit, u vu në dispozicion të drejtësisë, u përball me faktet, u shpall i pafajshëm dhe doli i lirë”, ka shtuar Ambasadori shqiptar.

“A do të bëjnë të njëjtën gjë ushtarët dhe politikanët rusë fajtorë për një krim agresioni dhe krime të tjera të rënda?”, ka thënë Hoxha.

“ICTY (Tribunali Penal Ndërkombëtar për ish-Jugosllavinë), hetoi në Shqipëri, haptas, lirisht dhe nuk gjeti asgjë, dua të them asgjë, për të vërtetuar ndonjë nga akuzat. As atëherë, as më vonë, as tani, as kurrë, për arsyen shumë të thjeshtë se akuzat ishin ndërtuar mbi hiçin”, ka përmbyllur fjalën e tij Hoxha. /Telegrafi/

IRMCT: I remind ?? that Frm. PM of Kosovo, @haradinajramush, was tried & cleared twice by ICTY. He resigned, made himself available to justice, faced facts, was acquitted & went free.

Will Russian soldiers & politicians guilty of aggression & other serious crimes, do the same? https://t.co/pDQlcC92KN

— Ferit Hoxha?? (@HoxhaFer) June 15, 2022