Ambasada amerikane, thirrje qytetarëve të saj në Kosovë: Keni kujdes të veçantë këto ditë!

Ambasada e SHBA-ve në Prishtinë kërkon nga qytetarët amerikanë në Kosovë që të ushtrojnë kujdes të veçantë gjatë festave të ardhshme fetare dhe në festivale të mëdha dhe ngjarje.

“Terroristët në rajon kanë kërkuar më parë për të sulmuar objektiva të ndjeshme, përfshirë kishat dhe vende të tjera të adhurimit, qendrat për këmbësorë, arenat sportive, sallat e koncerteve, dhe tubimet publike”, thuhet në thirrjen e Ambasadës amerikane, përcjell Telegrafi.

Lexo po ashtu Ndërprerje të pushimeve dhe punë 12 orë në ditë – për çfarë po mobilizohet Policia?

Në këtë drejtim, Ambasada amerikane në Prishtinë u ka bërë thirrje qytetarëve të saj që të rishikojnë planet e tyre personale të sigurisë.

“Jeni të vetëdijshëm për vendndodhjen tuaj, përfshirë ngjarjet lokale dhe monitoroni lajmet e mediave vendore. Mbani nivel të lartë të vigjilencës dhe ndërmerrni hapa të duhur për të rritur sigurinë tuaj personale”, thuhet më tej në njoftimin e Ambasadës amerikane.

Lexo po ashtu Mustafa mbledh Këshillin e Sigurisë

“Në rast se një sulm terrorist ndodh në qytetin tonë, ose kur ju jeni duke udhëtuar, qytetarët amerikanë duhet të: Ndiqni udhëzimet e personelit lokal të zbatimit të ligjit dhe të shërbimeve emergjente; Monitoroni informacionet rreth sigurisë në faqen e internetit të Ambasadës”, thuhet ndër tjerash në njoftimin e Ambasadës amerikane në Prishtinë. /Telegrafi/