Almeda njofton se djali i saj është mirë pas ndërhyrjes kirurgjike

Përmes një postimi në rrjetet sociale, Almeda Abazi ka njoftuar se djali i saj me bashkëshortin Tolgahan Sayisman, është në gjendje të mirë shëndetësore.

Djali i modeles shqiptare dhe aktorit turk, Efehan, i është nënshtruar një ndërhyrjeje kirurgjike në kokë për shkak të një ciste dermoide.

Cistat dermoide apo epidermoide janë rritje të ngadalshme (cista beninje) që zakonisht shfaqen në lëkurën e kokës së të porsalindurve dhe fëmijëve të vegjël. Ato zhvillohen nga një pjesë e lëkurës së kokë, qoftë epiderma (shtresa më e sipërme) ose derma (shtresa e poshtme) dhe pozicionohen nën lëkurën e kokës. Mund të paraqiten kudo në kokë, por më së shpeshti në pjesën e ballit, në fontanellë ose në pjesën e pasme të kokës.

Ndërsa tani, Almeda ka njoftuar se operacioni ka kaluar me sukses dhe se fëmija i saj është në gjendje të mirë shëndetësore.

https://www.instagram.com/p/B1GZD0mlP5t/

“Ju falënderoj përzemërsisht të gjithëve për urimet e sinqerta dhe interesimin që treguar për shëndetin e djalit tonë Efehan”.

Lexo po ashtu Djali pesë muajsh i Tolgahan dhe Almedës i nënshtrohet një operacioni

“Operacioni kaloi me sukses dhe Efehan është shumë mirë. Jua shpërblefsha në raste të gëzueshme dhe Zoti i ruajt të gjithë fëmijët kudo që janë”, ka shkruar Almeda në një postim në rrjetet sociale. /Telegrafi/