Gjatë ndeshjes ndërmjet Juventusit dhe Atalantas pati një incident ndërmjet Medhi Benatias dhe Marten De Roon, me ç'rast ky i dyti ia shqeu fanellën futbollistit të Zonjës së Vjetër.
Gjithçka ndodhi në momentin e golit të dytë të realizuar nga Blaise Matuidi kur mbrojtësi i Juves ndodhej në zonën kundërshtare, ndërsa markuesi i tij e kapi për fanelle dhe nuk e lëshonte.
(Foto: Getty Images)
Pas këtij incidenti, egjiptiani dukej tejet i tërbuar, madje nuk i bindej as trajnerit Massimiliano Allegri, i cili përpiqej ta qetësonte.
"Ishte një moment zemërimi, mirëpo më pas u qetësua. Përveçse është një lojtar i mirë, ai është edhe një djalosh i këndshëm, mirëpo në momente kur vlon gjaku, bëhet i vështirë për t'u kontrolluar".
(Foto: Getty Images)
"I thashë që të qëndronte i qetë, sepse rrezikonte karton të verdhë për atë reagim".
"Kur je në epërsi prej 2-0 dhe pranë fundit të ndeshjes, duhet ta përdorësh trurin", ka thënë Allegri për Sky Sport Italia.
(Foto: Getty Images)
Me tri pikët e reja ndaj Atalantas, Juventusi është shkëputur në krye të tabelës me katër pikë më shumë se Napoli që me javë të tëra ka qenë lider i Serie A. /Telegrafi/
