Albumi i ri i shqiptares Ava Max, “Heaven and Hell” promovohet në ‘billboard’-et e kryeqyteteve më të mëdha botërore

Artistja shqiptare me famë ndërkombëtare, Ava Max, ka publikuar së fundmi albumin e saj të parë në karrierë.

Albumi debutues i 25-vjeçares titullohet “Heaven and Hell” dhe përmban plot 15 këngë, përfshirë hitet: “Sweet but Psycho”, “So am I”, “Torn” etj.

Në vetëm 24 orë pasi ky album u publikua, shqiptarja arriti të renditej e para në nivel global në iTunes, në listën e albumeve më të kërkuar të momentit.

Albumi “Heaven and Hell” gjendet në formë fizike por edhe online në të gjitha platformat digjitale.

Lexo po ashtu Ava Max feston suksesin, vetëm 24 orë pas publikimit albumi "Heaven and Hell" renditet i pari në nivel global në listën zyrtare të iTunes

Platforma më e madhe e distribuimit të muzikës në botë, Spotify, i ka dhënë gjithashtu një suport këtij albumi, duke e promovuar në kryeqytete më të mëdha botërore.

Kopertina e tij gjendet në “billboard”-et e sheshit ‘Times Suqare’ në New York, si dhe në ‘Beverly Center’ të Los Angelesit.

E lumtur teksa sheh albumin e saj të promovohet në mbarë botën, Ava Max ndau me ndjekësit e saj në InstaStory disa imazhe të reklamës së albumit të saj nëpër këto qytete.

Një hapësirë e veçantë albumit “Heaven and Hell” i është dhënë mbrëmë edhe në një qendër të madhe në Stokholm të Suedisë. /Telegrafi/