Al-Thani bashkon Messin dhe Ronaldon – a do të ndodh transferimi i radhës i madh te PSG?

Khalifa Bin Hamad Al-Thani, i cili konfirmoi kalimin e Lionel Messit në PSG, ka postuar një imazh të Cristiano Ronaldos me fanellë të Paris Saint-Germain me fjalën: ‘Ndoshta?’

Një anëtar i familjes Al-Thani që drejton klubin francez, si dhe shtetin e Katarit, ka lëshuar një cicërim në Twitter, duke thyer protokollin gjatë verës, kur konfirmoi për kalimin e Messit në PSG.

Kur ai ishte lojtar i lirë dhe Barcelona njoftoi se kontrata e tij nuk do të rinovohej, Al-Thani përditësonte rregullisht llogarinë e tij në Twitter duke siguruar që një marrëveshje ishte arritur me yllin argjentinas.

Sot ka raporte që Ronaldo dëshiron të largohet nga Juventusi dhe ideja për t’u bashkuar me PSG -në ende nuk është braktisur plotësisht.

Tani është sërish Al-Thani që ka ndezur rrjetin me një foto të Messit dhe Ronaldos së bashku krah për krah, të dy të veshur me fanellat e Paris Saint-Germain.

“Ndoshta?” ishte mbishkrimi i vetëm, i shkruar në tri gjuhë të ndryshme.

PSG është një nga klubet e vetme që mund të përballojë pagën e Ronaldos prej 30 milionë eurosh në sezon.

Juve duhet të shesë 30 milionë euro për të shmangur humbjen./Telegrafi/