Agjentët e Dybalas janë në kontakt me Manchester Unitedin

Agjentët e sulmuesit Paulo Dybala janë në kontakt me Manchester Unitedin për një transferim të lirë në këtë afat kalimtar të verës.

Dybala, 28 vjeç, është një lojtar i lirë pas skadimit të kontratës së tij me Juventusin në fund të qershorit.

Argjentinasi ka qenë i lidhur fort me një kalim te Interi, por një marrëveshje ka ngecur – duke alarmuar klubet në Ligën Premier.

Lexo po ashtu Marotta pranon se Interi e ka zbehur interesimin për Dybalan: Ne jemi në rregull në sulm me lojtarë të çmuar

Tottenham Hotspur dhe Arsenali mendohet se janë të interesuar për të blerë sulmuesin argjentinas.

Për të mos përmendur drejtuesit e Unitedit, të cilët besohet se janë në kontakt me agjentët e lojtarit.

Sipas ekspertit të transferimeve, Gianluca Di Marzio, Djajtë e Kuq janë në diskutime të drejtpërdrejta me ekipin e Dybala për një transferim të lirë.

Thuhet se Erik ten Hag dëshiron të përforcojë sulmin e tij në rast se Cristiano Ronaldo largohet nga Old Trafford këtë verë.

Dybala, i cili shijoi shtatë sezone në Torino, po shikohet si një zëvendësues i mundshëm i ish-bashkëlojtarit të tij.

Lexo po ashtu Dybala dhe Pogba stërviten së bashku - a po ndodhë shkëmbimi i vendeve?

Interi kishte qenë ‘pole-position’ për të marrë shërbimet e tij, derisa nënshkroi me Romelu Lukakun nga Chelsea.

Dybala shënoi 115 gola gjatë kohës së tij në Juve, duke fituar pesë tituj të Serie A. Ai shënoi 15 gola në të gjitha garat sezonin e kaluar.

Sulmuesi më parë ka qenë i lidhur me një lëvizje te Unitedi, por ishte gjithashtu afër bashkimit me Tottenham Hotspur në vitin 2019. /Telegrafi/