Agim Veliu: Oferta e fundit e LVV-së nuk është diçka serioze

Nënkryetari i Lidhjes Demokratike të Kosovës, Agim Veliu ka folur për ofertën e fundit të Lëvizjes Vetëvendosje drejtuar partisë së tij LDK-së.

Veliu në një prononcim për Telegrafin, ka thënë se në këtë ofertë nuk ka diçka të re dhe serioze që do të mund ta zgjidhte situatën drejt një marrëveshje përfundimtare.

“Unë po flas personalisht nuk është diçka serioze. Jemi duke e shqyrtuar për mundësi të reja,  megjithatë nuk ka diçka të re. Nuk ka diçka serioze aty që mund të na nxjerrë prej situatës”, tha Veliu.

Megjithatë sipas tij, kjo ofertë duhet të shqyrtohet brenda organeve të LDK-së.

Lexo po ashtu Kjo është oferta e Lëvizjes Vetëvendosje për Lidhjen Demokratike të Kosovës  

“Duhet ta shqyrtojmë me organet e LDK-së edhe besoj se do të bisedojmë për parime të marrëveshjes, nuk e di çfarë kemi të shqyrtojmë në këtë ofertë”, u shpreh Veliu.

I pyetur se a do të mund të ketë takim brenda ditës së sotme mes Mustafës dhe Kurtit, nënkryetari i LDK-së u shpreh se “Jo takime nuk besoj që ka, letrën e kemi marrë bazë të saj do ta shqyrtojmë parimet dhe pozicionet tona”.

Ndryshe në ofertën e fundit që LVV i ka bërë LDK-së, është paraparë që kjo e fundit të qeverisë me 6 ministri si dhe ta marrë postin e presidentit. /Telegrafi/