Afati i transferimeve të janarit nuk ka mbaruar për Milanin

Milani tashmë ka përfunduar tre transferime në janar, por mediat në Itali këmbëngulin se Rossonerët duan të bëjnë një tjetër blerje para fundit të afatit kalimtar të dimrit.

Lideri i Serie A kanë nënshkruar një lojtar për secilën pozitë deri më tani në janar.

Soualiho Meite dhe Fikayo Tomori janë bashkuar me Rossonerët si huazim me një mundësi për të blerë përkatësisht nga Torino dhe Chelsea.

Lexo po ashtu Ibrahimovic vazhdon t'i befasojë tifozët e Milanit - publikon imazh ku duket me flokë të rruara

Mario Mandzukic është transferuar në Milano si një lojtar i lirë duke nënshkruar një kontratë gjashtë-mujore me një mundësi për të zgjatur qëndrimin e tij në klub për një sezon më shumë.

Disa raportime në Itali, pretendojnë se afati i transferimeve të janarit nuk ka mbaruar ende për Rossonerët që janë në kërkim të një mbrojtësi të ri të majtë i cili mund të zëvendësojë Theo Hernandezin.

Lexo po ashtu Çfarë nënkupton të jesh 'Kampion Dimëror' në Itali

Sipas Sky Sport, mbrojtësi i Barcelonës, Junior Firpo nuk do të bashkohet me Djajtë të cilët po presin rastin e duhur për të bërë një nënshkrim të fundit para fundit të afatit kalimtar më 1 Shkurt.

Nëse ata nuk do të arrijnë të nënshkruajnë një mbrojtës të ri të majtë, Diogo Dalot do të vendoset si mbrojtës i djathtë dhe si mbrojtës i majtë deri në fund të sezonit. /Telegrafi/