Admir Shabani tregon për bashkëpunimin e KSHZ-së me komisionet e vendeve të rajonit

Zyrtari për komunikim në Komisionin Shtetëror të Zgjedhjeve (KSHZ), Admir Shabani, ka qenë i ftuar në emisionin “TM Daily” në Telegrafi Maqedoni, ku ka folur për zgjedhjet e ardhshme kuvendare, si dhe përgatitjet në KSHZ.

I pyetur për bashkëpunimin me komisionet zgjedhore të vendeve të rajonit, Shabani tha se bashkëpunimi është në nivelin e duhur, duke përmendur komisionet e Kosovës, Shqipërisë dhe Bullgarisë.

“Bashkëpunimi jonë nuk është vetëm në rajon. E dini se KSHZ është anëtare e Asociacionit të Komisioneve Qendrore të Zgjedhjeve në Evropë (ACEO) dhe ky bashkëpunim thellohet edhe më tepër edhe me vendet e Evropës”.

“Çdo herë kur mbahen zgjedhje KSHZ dërgon ftesë përmes ACEO-së, për vrojtim të zgjedhjeve tek ne. Gjithashtu edhe ne marrim ftesa nga komisionet e vendeve tjera”, tha mes tjerash Shabani.

Ai shtoi se nga ky bashkëpunim merren përvoja, duke shtuar se si praktikë është marrë edhe trajnimi i organeve zgjedhore.

Për më shumë ndiqeni intervistën e plotë me Admir Shabanin: