43 punëtorë të KEK-ut që nga pas lufta kanë vdekur në vendet e punës (Video)

Nënkryetari i Sindikatës së Re të Korporatës Energjetike të Kosovës (SR-KEK), Nexhat Llumnica, në një intervistë për emisionin “EKONOMI” në Telegrafi.com ka thënë se që nga pas lufta e deri më tani kanë humbur jetën në punën 43 punëtorë të KEK-ut.

Llumnica ka treguar se kushtet e punës në këtë ndërmarrje janë të vështira.

“Që nga pas lufta e deri më tani, aksidentalisht kanë vdekur 43 punëtorë, ndërsa nga sëmundjet profesionale numri është edhe më i madh, por që nuk kemi më shumë të dhëna. Nuk iu ofrohet asistencë për sëmundjet profesionale dhe këtë javë kemi tre vdekje nga këto kushte. Që nga viti 2013 është me ligj që çdo punëtorë që vdes në mënyrë aksidentale kompensohet me 25 mijë euro, më herët nuk është bërë kjo përveç nëse është nxjerr në gjyq”, tha nënkryetari i SR-KEK, Nexhat Llumnica.

Ai ka thënë se gjatë vitit të fundit kanë dalë në pension 387 punëtorë dhe ka mungesë të punëtorëve për.

Lexo po ashtu Llumnica: Nëse ulen pagat e punëtorëve të KEK-ut, do ta ndalim prodhimin e rrymës (Video)

“Kushtet janë të vështira për punë. Kemi pagën mesatare 680 euro dhe siç janë kushtet me këtë pagë nuk ia vlen të punohet. Ne kemi kërkuar punëtorë, aktualisht janë 800 vende të lira pune. Në vitin 2018-2019 kanë shkuar në pension 387 punëtorë dhe ky numër nuk është plotësuar, kemi mungesë të kuadrove. Për ne është e nevojshme fuqia e punës. Që nga viti 2013 është me ligj që çdo punëtorë që vdes në mënyrë aksidentale kompensohet me 25 mijë euro, më herët nuk është bërë kjo përveç nëse është nxjerr në gjyq. Mosha mesatare është 58 vjeç, më shumë i kemi ripërtëri pozitat me inxhinier e jo punëtorë të tjerë”, ka thënë ai.

Llumnica në këtë intervistë, ka folur edhe për paralajmërimin e protestës së punëtorëve lidhur me përfshirjen e tyre ne Ligjin për Pagat. /Telegrafi/