“16 Ditët e Aktivizmit Kundër Dhunës me Bazë Gjinore” ambasadori Hovenier dhe Rohde bëjnë thirrje të ndalet dhuna në familje

Sot në Kosovë do të mbahet ceremonia e hapjes së fushatës “16 Ditët e Aktivizmit Kundër Dhunës me Bazë Gjinore”.

Ambasadorët e huaj që veprojnë në Kosovë kanë bërë thirrje që të ndalohet dhuna në familje, transmeton Telegrafi.

Ambasadori i Shteteve të Bashkuara të Amerikës në Kosovë, Jeffrey Hovenier përmes një video thotë se sot shënohet dita ndërkombëtarë për eliminimin e dhunës ndaj grave, duke shpresuar që të ketë përkushtim të aktivistëve kundër dhunës.

“Parandalimi dhe reagimi ndaj dhunës me bazë gjinore, është element kyç, përkushtim i qeverisë amerikane për promovimin e demokracisë, të drejtave të njeriut dhe përmirësimin e mundësive të barabarta dhe barazisë gjinore”, thotë ai.

Ambasadori Hovenier tutje është shprehur se “Hulumtimet tregojnë se shumë njerëz në Kosovë, vazhdojnë të besojnë se dhuna në familje është çështje private, që duhet të zgjidhet brenda familjes”.

“Organizatat e shoqërisë civile na thonë se viktimat dhe të mbijetuarit e dhunës në familje në Kosovë shpesh kërkojnë ndihmë vetëm pasi kanë vuajtur për një kohë të gjatë, dhe se raportimi i rasteve të dhunës në familje ende është tepër i ulët. Dhuna në familje nuk duhet të jetë një temë e ndaluar”, ka deklaruar ai.

Edhe ambasadori I Gjermanisë në Kosovë, Jorn Rohde ka thënë se sot po bëhemi bashkë për t’i dhënë fund dhunës ndaj grave dhe vajzave.

“Sot ne po ‘bashkojmë duart’ dhe po dërgojmë një sinjal të fortë për t’i dhënë fund dhunës ndaj grave dhe vajzave. Megjithatë, secili prej nesh ka një përgjegjësi në jetën tonë të përditshme të mbajë një qëndrim kundër dhunës me bazë gjinore”, u shpreh ambasadori në profilin e tij në “X”.

Rastet e dhunës në Kosovë kanë shënuar ngritje për gjatë këtyre muajve, po thuajse çdo ditë policia raporton për raste të ndryshme të dhunës në familje, ku kryesisht viktimat janë gratë. /Telegrafi/

Orange the world! ???
Today we are joining hands and sending a strong signal to end? violence against women and girls. However, each and every one of us has a responsibility in our everyday lives to take a stand?? against gender-based violence.#orangetheworld pic.twitter.com/XAi1G5NJxe

— Ambassador Jörn Rohde (@GermanAmbKOS) November 25, 2023