Vokrri çmon guximin e mikut të tij e zëvendësit të Daçiqit

Kosova nuk është shtet, UEFA është e korruptuar, kurse vendimi për të pranuar Federatën e Futbollit të Kosovës në shtëpinë evropiane është i ndikuar nga politika.

Këto janë frazat që dëgjohen nga politika në Serbi tash e shumë kohë. Por, ka një përjashtim. Dhe atë e bën zëvendësi i atij që llogaritet më radikali në këto çështje, Ivica Daçiq – Branko Ruzhiq, shkruan Koha Ditore.

Ruzhiq, që është nënkryetar i Partisë Socialiste të Serbisë (SPS) me kryetar Daçiqin, është vënë në shënjestër nga mediat dhe serbët, pasi ka dalë hapur në mbrojtje të Federatës së Futbollit të Kosovës dhe kryetarit të saj, Fadil Vokrri. Vetë Daçiq nuk ka pranuar këtë vendim, duke shtuar se u arrit me ndikim politik, porse sipas tij “Serbia nuk do të dorëzohet derisa ta zhbëjë këtë punë”.

PO ASHTU LEXONI: E jashtëzakonshme! Çmenden serbët, nënkryetari i partisë së Ivica Dacicit përkrahë Kosovën (Foto)

Ruzhiq në ditën që FFK-ja është pranuar në UEFA ka postuar në llogarinë e tij në “Twitter” tri fotografi me kreun e futbollit të Kosovës, Fadil Vokrri.

Politikani që i përket gjeneratës së re, nën fotografi ka shkruar se është sportiv dhe njerëzor vendimi i UEFA-s për të pranuar Kosovën dhe ka shtuar se politika duhet të lihet jashtë futbollit.