​Shkrirja e akullit të Arktikut përhap virusin vrasës

Shkrirja e akullit të Arktikut të shkaktuar nga ndryshimi i klimës po ushqen përhapjen e një virusi vdekjeprurës që po vret fokat, vidrat dhe luanët e detit, ka zbuluar një studim i ri.

Virusi Phocine distemper (PDV) ka pllakosur gjitarët detarë për dekada, duke vrarë mijëra vidra portesh evropiane në Atlantikun e Veriut në 2002.

Dy vjet më vonë, u zbulua se vidrat e Detit verior në Alaska ishin prekur me virus.

Studiuesit u hutuan për mënyrën sesi mund të përhapej virusi midis specieve, pasi ata nuk kishin asnjë kontakt, për shkak të akullit të Arktikut që bllokonte çdo rrugë midis tyre.

Tani një ekip hulumtues nga Shkolla e Mjekësisë Veterinare të UC Davis ka zbuluar se vidra të infektuara nga Evropa po udhëtonin nëpër rrugëkalime përgjatë Rusisë Veriore dhe Kalifornisë Veriore që ishin hapur nga nivelet më të ulëta të akullit.

Ky ndryshim ‘historik’ i akullit të detit mund të ketë lejuar që vidrat e Arktikut dhe nën Arktik takoheshin në një mënyrë që nuk do të ishte e mundur më parë.

Ekipi që qëndroi pas studimit zbuloi se ky ishte shkaku i mundshëm i futjes së virusit në Oqeanin Paqësor të Veriut. /kp/Telegrafi/