Zyrtarëve amerikanë mund t’iu duhen dy javë ose më shumë, për ta përcaktuar nëse vaksina Johnson & Johnson shkakton mpiksje të gjakut

Agjencive federale amerikane mund t’ju duhen kohë dy javë ose më shumë për ta kuptuar ndonëse vaksina kundër coronavirusit nga Johnson & Johnson është e lidhur me mpiksje të rrallë të gjakut, thanë dy zyrtarë të lartë të shëndetit në Shtëpinë e Bardhë.

Sipas medieve të huaja, përcjell Telegrafi, rregullatorët amerikanë rekomanduan një pauzë në shpërndarjen e vaksinës Johnson & Johnson, për shkak të gjashtë raporteve të mpiksjes së gjakut midis grave të cila ishin injektuar së fundmi me këtë vaksinë.

Paneli këshillimor për vaksinat nga Qendra për Kontrollin dhe Parandalimin e Sëmundjeve (CDC), ka planifikuar të mblidhet të premten për të diskutuar nëse do ta heqë pauzën.

Mirëpo, dy zyrtarë shëndetësorë thanë se CDC mund të mos ketë të dhëna të mjaftueshme deri atëherë për ta përcaktuar nëse vaksina e Johnson & Johnson me të vërtet shkakton mpiksje të rralla.

Vaksina Johnson & Johnson e miratuar në SHBA për përdorim nga rregullatorët shëndetësorë, është vaksinë me vetëm një dozë. /Telegrafi/