Zyrtare: Azem Bejta kalon te Malisheva

Mbrojtësi i njohur drenicas Azem Bejta, në këtë sezon do t’i mbrojë ngjyrat e Malishevës.

Ai është larguar nga Drenica pas 18 vitesh, ku ka luajtur për këtë klub.

“Azem Bejta është lindur më 3 gusht.1990 në Prekaz të Epërm të Skenderajt. Karrierën e tij si futbollist e filloj me KF Drenicën dhe i qëndroi besnik klubit për 18 vite rresht,  ku edhe ishte kapiten i skuadrës. FC Malisheva ka arritur marrëveshje për sezonin 2021/2022 me Bejtën dhe jemi shumë të entuziazmuar të kemi shërbimet e një lojtari të këtij kalibri”.

“Konsiderohet si një nga mbrojtësit më të mirë në Superligën e Kosovës . Bejta është i njohur për forcën, udhëheqjen dhe aftësitë e tij për të lexuar mirë ndeshjen. Është një  mbrojtës fizikisht i forte, i cili zakonisht paraqitet në anën e majtë të mbrojtjes dhe qendër”.

“Arritja e marrëveshjes me Bejtën është gjithçka që dëshiron klubi jonë me qëllim të krijimit të një profil të një mbrojtësi  ideal dhe me cilësitë e forta të lidershipit. Në veçanti, inteligjenca e tij taktike dhe aftësia për të lexuar lojën, bëjnë që Bejta të prishë shfaqjet sulmuese të kundërshtarit. Përveç atributeve të tij të futbollit, Bejta vlerësohet  shumë edhe për udhëheqjen, vendosmërinë dhe ndikimin e tij në fushë tek bashkëlojtarët”.

“FC Malisheva i dëshiron mirëseardhje Azem Bejtes në klubin tone dhe i dëshiron shume fat në jete dhe karrierë”, thuhet në njoftimin e klubit. /Telegrafi/