Zidane i lumtur me formën e Real Madridit: Jam tip pozitiv, e di që dielli del gjithmonë pas një stuhie

Real Madridi ka pasur problemet e tyre këtë sezon, por Zinedine Zidane është i bindur se ata do të gjejnë ritmin e tyre herët a vonë dhe nuk shqetësohet shumë nga forma e luhatshme e tyre në fillim të sezonit.

Fitorja në Ligën e Kampionëve kundër Interit i ka pozicionuar bukur për t’u kualifikuar nga grupi i tyre tani, por kampionët spanjollë qëndrojnë të katërt në La Liga përpara se të luajnë kundër Alavesit këtë të shtunë.

Zidane, i ftohtë si kurrë më parë, u pyet për qasjen e tij dhe mënyrën se si ai arrin të qëndrojë pozitiv gjatë konferencës së tij për shtyp para ndeshjes të premten.

“Ju duhet të besoni në veten tuaj dhe në punën tuaj. Lojtarët besojnë në të gjithashtu. Unë jam shumë pozitiv. Jam në një pozicion të privilegjuar dhe, në fund, dielli del gjithmonë pas një stuhie. Kjo është jeta”, ka thënë fillimisht Zidane.

“Me cilësinë që kemi, ne do të kemi rezultate të mira. Do të kemi momente më të vështira, por do të përpiqemi të vazhdojmë tutje”.

Lexo po ashtu Trajnerët e nominuar nga FIFA për çmimin 'The Best'

Zidane e di që skuadrat e rrisin nivelin e tyre kur dalin kundër Real Madridit dhe, rrjedhimisht, ata gjithmonë duhet të jenë më të mirët për të garuar.

“Skuadrat vijnë më shumë se të ngarkuara kundër Real Madridit. Ne duhet të jemi në 150 për qind për të pasur një shans për të fituar. Por, nëse jemi në të njëjtin nivel me ata , atëherë cilësia jonë mund të bëjë një ndryshim”.

💬 Zidane: ''We have to stay on this path and think about how we can get better as a team.''#RMCity | #HalaMadrid pic.twitter.com/f7d36G73pT

— Real Madrid C.F. 🇬🇧🇺🇸 (@realmadriden) November 27, 2020

Sipas francezit, uljet dhe ngritjet e Los Blancos nuk kanë asgjë të bëjnë me një problem qëndrimi. Në vend të kësaj, ai i sheh ata si të barabartë për kursin në futbollin elitar.

“Nuk është një problem qëndrimi. Ky është futboll, dhe nganjëherë mund të kemi vështirësi që nuk mund t’i kuptojmë. Por, qëndrueshmëria në futboll është gjëja më e vështirë dhe ne duhet të punojmë për ta arritur atë çdo ditë. Nuk ka shumë kohë, por kjo është ajo që ne dëshirojmë”.

Lexo po ashtu Zidane: Luajtëm me karakter dhe qasje të duhur, më vjen keq për Interin

Nga pamja e jashtme, fitorja më e fundit ndaj Interit është parë si diçka që mund të heqë presionin anash, por francezi nuk e sheh atë në atë mënyrë.

“Nuk është kjo [një çlirim]. Nuk do të ndryshojë fakti që gjërat do të thuhen në lidhje me ekipin. Ne duhet ta durojmë këtë dhe duhet të vazhdojmë të japim më të mirën deri në fund”, përfundoi trajneri i Realit. /Telegrafi/