Zhytësit italianë rastësisht zbulojnë artefakte mbi dymijë vite të vjetra – e gjitha ndodhi në 50 metra thellësi (Foto/Video)

Dy zhytës italianë kanë hasur rastësisht në artefakte nga koha antike, të cilat romakët i kishin vjedhur dhe më pas i kishin hedhur në Mesdhe.

Besohet se bëhet fjalë për artefakte mbi dymijë vite të vjetra e në veçanti për dy qypat që “fshehin” të kaluarën dhe shpjegojnë shumë gjëra që deri më sot kanë qenë të panjohura, transmeton Telegrafi.

Gjatë nëntorit të vitit të kaluar zhytësit po hulumtonin afër Portofinos, kur hasën në diçka që ata kurrë nuk kishin besuar se do të arrijnë të gjejnë. Aty menjëherë njoftuan arkeologët për këtë zbulim, kurse dje kanë filluar gërmimet.

Shumë objekte janë gjetur në thellësi prej 50 metrave, disa prej tyre janë shumë të ruajtur e të tjera ishin bërë “shtëpia” e shumë peshqve dhe gjallesave tjera.

“Gjënë e parë që pamë ishin dy qypa që mezi vëreheshin nga rëra. Kur e kuptuam se çfarë kemi gjetur, jemi habitur. Çdo zhytës ëndërron të gjej diçka nga kohërat e lashta, kështu që ishte një përvojë e mirë për ne”, ka deklaruar njëri nga zhytësit. /Telegrafi/