Zgjidhet misteri i vrasësit serial në Francë që po kërkohej me dekada – ai doli të jetë një ish-oficer i policisë ushtarake

Për dekada krimet e një vrasësi serial famëkeq kanë ndjekur skuadrën kundër krimit në Paris.

Por tani, një ish-oficer i policisë ushtarake thuhet se para vdekjes së tij ka rrëfyer se ishte vrasësi i njohur si Le Grele.

I njohur në vend si François Verove, ADN-ja e tij është përputhur me disa skena krimi të lidhura me Le Grele.

Vrasjet dhe përdhunimet që bëri ai tronditën Parisin midis vitit 1986 dhe 1994, por deri më tani nuk u zgjodhën kurrë.

Ndër krimet tronditës që i atribuohen atij ishte vrasja e 11-vjeçares, Cecile Bloch. Ajo u raportua e zhdukur pasi nuk u paraqit në shkollë në Paris në vitin 1986.

“Ne kurrë nuk do t’i kuptojmë të gjitha krimet e kryera nga Le Grele”, tha Didier Saban, një avokat që përfaqëson familjet.

Verove është i përfshirë në katër vrasje dhe gjashtë përdhunime, Por Saban tha se padyshim që kishte edhe më shumë, dhe vdekja e tij kishte lënë shumë familje pa përgjigje.

Trupi i vrasësit u gjet në një apartament me qira në fillim të kësaj jave, së bashku me një letër vetëvrasjeje. /Telegrafi/