Zelensky falënderon SHBA-në për paketën e re të ndihmës ushtarake prej 2.3 miliardë dollarësh

Presidenti ukrainas, Volodymyr Zelensky, ka mirëpritur lajmin se SHBA-ja do të dërgojë 2.3 miliardë dollarë shtesë ndihmë për sigurinë në Ukrainë.

Lajmin për ndihmën e re ushtarake e ka dhënë sekretari amerikan i mbrojtjes, Lloyd Austin, i cili theksoi se paketa përfshin armë antitank, interceptorë dhe municione për Patriot dhe sisteme tjera të mbrojtjes ajrore.

Bëhet e ditur se njoftimi erdhi pasi Lloyd e takoi ministrin ukrainas të mbrojtjes, Rustem Umerov, në Pentagon, shkruan skynews, përcjell Telegrafi.

Lexo po ashtu NATO arrin marrëveshje për 40 miliardë euro për të mbështetur Ukrainën

Me anë të një postimi në rrjete sociale, Zelensky vuri në pah rëndësinë e armëve amerikane për ushtrinë ukrainase.

I am grateful to @POTUS Joe Biden, both parties in Congress, and the entire American people for today’s military aid packages.

Additional air defense, artillery, anti-tank weapons, and other critical items, as well as funds to purchase Patriot and NASAMS missiles, will…

— Volodymyr Zelenskyy / Володимир Зеленський (@ZelenskyyUa) July 3, 2024

Ai tha se “artikujt kritikë” do të forcojnë trupat dhe do të përmirësojnë aftësitë ushtarake në fushëbeteja.

“Ne llogarisim në ndihmën e vazhdueshme të SHBA-së për të forcuar mbrojtjen e Ukrainës dhe për të na mundësuar që të kundërshtojmë në mënyrë efektive agresionin rus dhe të mbrojmë popullin tonë kundër terrorit rus”, tha Zelensky. /Telegrafi/