Zbulohet prototipi i ‘joystickut’ të Xbox, që nuk është parë më herët

YouTuberi John Bringus gjeti një prototip të pazakontë të joystickut të Xbox, të cilin e testoi për të zbuluar se çfarë mund të bëjë.

John Bringus është më i njohur për kanalin e tij në YouTube, Bringus Studios, ku ndjen kënaqësi të madhe në përpjekjet për të luajtur video lojëra në pajisje të pazakonta.

Një fans i kanalit të tij i dërgoi atij një paketë që përmbante një joystick të pazakontë dhe misterioz të Xbox. Ekzaminimi i mëtejshëm zbuloi një mori kontradiktash, transmeton Telegrafi.

Bringus më pas u përpoq të testonte në pajisje të ndryshme. Nuk funksionoi në një telefon Android, por çuditërisht, nuk funksionoi as në një konzolë Xbox 360. Më pas Bringus e futi atë në një kompjuter dhe pa diçka të jashtëzakonshme.

Në një kompjuter Windows, pajisja shfaqet si “DC1 Controller, Copyright Microsoft 2012”. Deri në këtë pikë, Bringus besonte se joysticku ishte një prototip i Xbox 360, por data e të drejtave të autorit sugjeron se ishte në të vërtetë një prototip i Xbox One.

Çmontimi i plotë e konfirmoi më tej këtë, pasi ai ishte i pajisur me motorë haptik të këmbëzës, të cilët kontrollorët Xbox 360 nuk i kishin kurrë. /Telegrafi/