Zbulohet plani i Barcelonës për Cubarsin që ai të shmangë fatin e Pedrit

Barcelona thuhet se ka biseduar me Federatën e Futbollit të Spanjës rreth të ardhmes së Pau Cubarsit me kombëtaren.

Sipas Mundo Deportivo, Barcelona janë të shqetësuar për pjesëmarrjen e mundshme të Cubarsit në Euro 2024 dhe në Lojërat Olimpike këtë verë.

Nëse Cubarsi luan në të dyja garat, kjo do të thoshte se që nga fundi i sezonit me Barcelonën deri në fillim të gushtit, ai do të ishte aktiv dhe nuk do të kishte pushim para startit të sezonit të ri.

Spanja kishte vepruar njëjtë në 2021 me Pedrin i cili ishte ftuar për të dyja garat. Në fund, ai përfundoi duke u lënduar dhe që nga atëherë ka hasur në probleme fizike.

Lexo po ashtu “Java e mrekullive” për Pau Cubarsin – pasi u shpall lojtari i ndeshjes me Napolin, merr ftesën nga Spanja

Blaugranasit janë të shqetësuar se e njëjta mund të ndodhë me Cubarsin, i cili është ende në fazat e hershme të karrierës së tij dhe duhet të punojë më shumë në aspektin fizik për të garuar në nivelet më të larta.

17-vjeçari është duke kaluar një sezon të jashtëzakonshëm, teksa është paraqitur 12 herë këtë sezon.

Për formën e tij të mirë ai është shpërblyer me ftesë nga Spanja dhe mund të bëjë debutimin e tij në miqësoret e muajit mars./Telegrafi/