Mësohet paga e Dani Alves te Barcelona, ai do të marrë minimumin e lejueshëm për një futbollist në La Liga

Dani Alves do të fitojë shumë pak në kontratën e tij me Barcelonën, sepse klubi është ende i zhytur në një moment shumë delikat në nivel ekonomik.

Fatura e pagave vazhdon të rëndojë shumë mbi kryesinë e klubit, e cila ka pak hapësirë ​​për manovrim për të lëvizur në treg.

Ditët e fundit Barcelona ka mbyllur dy operacione, Xavin dhe stafin e tij teknik dhe Dani Alvesin, për një shumë të ulët të përgjithshme 3.9 milionë euro të cilat u shpenzuan për trajnerin.

DéjÀ vu pic.twitter.com/Bze1gpVGhV

— FC Barcelona (@FCBarcelona) November 18, 2021

Faturat e pagave

Edhe me Dani Alves situata ka qenë shumë e ndërlikuar pasi nuk kishte asnjë diferencë në faturën e pagave.

Vetë drejtori i klubit, Mateu Alemany, ka thënë se kishin shpenzuar gjithçka dhe nuk ka mbetur asnjë euro për të shkuar në afatin e dimrit.

Happy DAys pic.twitter.com/Q2IrWm0XIp

— FC Barcelona (@FCBarcelona) November 17, 2021

Shpenzimet me Alves kanë qenë minimale. Braziliani ka pagën më të ulët në të gjithë skuadrën. Ai do të marr minimumin që La Liga lejon për një futbollist profesionist të La Liga, siç publikohet nga La Vanguardia dhe konfirmohet nga kjo gazetë.

Alves do të fitojë 155,000 euro në vit.

Dëshira e brazilianit

Barcelona ka përfituar nga dëshira e madhe që kishte futbollisti për të kaluar në “Camp Nou. Kanë qenë dy faktorë kyç.  Njëri ka qenë interesimi që kishte për të ardhur dhe miratimi i Xavi Hernández, i cili beson se braziliani mund t’i shtojë karakter dhe gëzim një skuadre që ka nevojë.

Dani Alves represents – jogo bonito -, joy and love for Barça. We are very happy to have you back at home @DaniAlvesD2! pic.twitter.com/8EZulQVbxy

— Joan Laporta Estruch🎗 (@JoanLaportaFCB) November 17, 2021

Por tjetra ka qenë ajo ekonomike. Alves ka dashur të vijë me çdo kusht dhe ka pranuar ofertën minimale. /Telegrafi/