Ylli anglez, Jude Bellingham u filmua së fundmi duke kryer një ushtrim të pazakontë në stërvitje, dhe misteri pas asaj fotoje virale tani është zbuluar.
Një foto nga stërvitja e Real Madridit që tregonte Bellinghamin duke fluturuar në ajër u bë virale javën e kaluar. Vetë Bellingham është quajtur me nofkën "njeriu fluturues" në mediat angleze.
Anglezi në foto po kryente një ushtrim të pazakontë me një brez elastik vjollcë të shtrënguar rreth këpucëve të futbollit, ndërsa mban në duar një peshë të rëndë në formë topi që peshon rreth 14 kilogramë.
Në të njëjtën kohë, anglezi tërhoqi vëmendjen te metodat inovative të stërvitjes që yjet e Realit përdorin në kampin e tyre stërvitor në Valdebebas, dhe portali The Athletic shkruan se është një lloj unik i uljes në këmbë.
Ata shpjeguan se shiriti i gomës rreth këmbës i ndihmon lojtarët të kryejnë një tkurrje elastike të muskujve gjatë kërcimit, gjë që inkurajon tkurrjen pliometrike, e cila është thelbësore për zhvillimin e forcës muskulore.
Këmbët janë të kthyera nga jashtë, gjë që çon në stimulim më të madh të aduktorëve, brezi elastik siguron rezistencë dhe pesha rrit gjithashtu intensitetin dhe përpjekjen e nevojshme për të kryer ushtrimin.
Gazeta Athletic shtoi gjithashtu se stërvitja nuk ishte projektuar ekskluzivisht për Bellingham, por se edhe disa lojtarë të tjerë të Realit gjithashtu kryenë ushtrime të ngjashme. /Telegrafi/
