Zbardhet e vërteta e nënshtetësisë së Majlinda Kelmendit

Zbardhet e vërteta e nënshtetësisë shqiptare të xhudistes Majlinda Kelmendi. Pasi fitoi Medaljen e Artë në lojërat olimpike të Rios, është debatuar lidhur me nënshtetësinë e saj, nëse e ka apo jo nënshtetësinë shqiptare, sportistja që garoi për Kosovën.

Rezulton se ndryshe nga sa kanë deklaruar disa personazhe të njohur në Shqipëri, Kelmendi ka pasaportë shqiptare që prej vitit 2010, e marrë me kerkesë të Federatës Shqiptare të Judo-s nga presidenti Xhelil Cibaku dhe sekretari i Përgjithshëm, Labo Capo.

Lexo po ashtu Mediat turke për Majlinda Kelmendin: Xhudistja e Galatasarayt fiton medalje të artë në Rio

“Xhudistja ka garuar për Shqipërinë në të gjitha aktivitetet europiane deri edhe në Olimpiadën e Londrës. Brenda mundësive të buxhetit është paguar nga Federata Shqiptare e Xhudos.

Pas vitit 2013 Majlinda ka garuar me stemën e IJF-së dhe në vitin 2015, pas pranimit të Federatës së Kosovës në Federatën Botërore të Xhudos, për Kosovën.

Por në Kampionatin Botëror të Xhudos 2016 në Rusi, përsëri përdori pasaportën shqiptare, pasi akoma edhe sot Rusia nuk e njeh Kosovën.

Nga sa duket Shqipëria dhe Federata Shqiptare e Xhudos e kanë mbështetur në çdo hap, pasi Majlinda Kelmendi është krenaria e kombit shqiptar.

Kelmendi ka titullin e lartë “Nderi i Kombit”, akorduar nga presidenti i Shqipërisë në vitin 2015, Bujar Nishani’’, tregon Arjula Cibaku, në një intervistë për “Newsbomb.al”, vajza e presidentit të Federatës së Xhudos, Xhelil Cibaku