Zëvendëspresidenti i Interit, Javier Zanetti, e ka përshkruar emërimin e Antonio Conte si trajner të zikaltërve si një mundësi të pabesueshme për klubin.
Conte u zyrtarizua nga Interi javën e shkuar, ku nënshkroi një kontratë tre vjeçare.
“Ka shumë entuziazëm te Interi, ne jemi të vetëdijshëm që kemi një mundësi të jashtëzakonshme tani”.
Conte e Zanetti në një takim të hershëm
“Kam folur shumë me Antonion dhe mund të garantojmë se skuadra do të ringrihet. Presim që Interi të luajë rol kryesor”.
Interi tashmë i ka siguruar shërbimet e mbrojtësit të Atletico Madridit, Diego Godin, që është i gatshëm të transferohet si një lojtar i lirë.
Javier Zanetti . (Photo by Bruna Prado / Getty Images)
Mesfushori i Cagliarit, Nicolo Barella dhe sulmuesi i Romës, Edin Dzeko, mund të jenë dy blerjet e ardhshme, ndërsa ëndrra mbetet Romelu Lukaku. /Telegrafi/
