Zaev-Borissov: Komisionet e historisë të gjejnë zgjidhje të pranueshme për të gjithë

Bullgaria mbetet e qëndrueshme në mbështetjen e së ardhmes evropiane të Maqedonisë së Veriut, i tha kryeministri bullgar Boyko Borissov Kryeministrit Zoran Zaev në një bisedë telefonike.

Nga kabineti i Kryeministrit thonë se Borissov dhe Zaev shprehën besim se të dy palët mbeten të angazhuara në zbatimin e Marrëveshjes për Miqësi, Fqinjësi të Mirë dhe Bashkëpunim.

Gjatë bisedës telefonike u diskutua gjithashtu organizimin e një vizite të fundit të Kryeministrit Zaev në Republikën e Bullgarisë, si dhe inkurajimin e përbashkët të punës së komisioneve për histori për të gjetur zgjidhje të përbashkëta të pranueshme nga të dyja palët.

“Fokusi i bisedimeve ishte Procesi i Berlinit dhe presidenca e suksesshme e përbashkët, e cila është veçanërisht e rëndësishme për forcimin e bashkëpunimit rajonal dhe integrimin e rajonit në BE, si dhe përgatitjet për samitin e ardhshëm kryesor që do të mbahet në nëntor në Sofje. Të dy kryeministrat diskutuan gjithashtu bashkëpunimin e përbashkët në mbrojtjen nga virusi pandemik COVID-19, veçanërisht duke pasur parasysh përvojën e Bullgarisë në sigurimin e pajisjeve mbrojtëse për stafin profesional dhe qytetarët”, thuhet në deklaratën e kabinetit të kryeministrit Zoran Zaev./Telegrafi/