Ylli i Real Madridit rrezikon ta humbasë vendin në formacion pas paraqitjeve të dobëta

Sezonin e kaluar Carlo Ancelotti u lavdërua për faktin se nxori më të mirën nga Ferland Mendy me francezin që mori një kontratë të re pas një kampanje të suksesshme në Ligën e Kampionëve. 

Ta driblosh atë ishte një mision pothuajse ‘i pamundur’ për shumë prej lojtarëve më të mirë në Evropë. 

Sidoqoftë kjo nuk ka ndodhur gjatë muajve të fundit, pasi francezi po duket shumë më i hutuar se sa pjesa tjetër e mbrojtjes. 

Në anën tjetër, alternativa e tij Fran Garcia ka fituar besimin e trajnerit së fundmi dhe ka marrë më shumë minuta, andaj për këtë arsye Mendyt i rrezikohet vendi në formacion. 

Lexo po ashtu Real Madridi po kërkon transferimin e yllit të Man United – ai kushton 50 milionë euro

“Gjatë ndeshjeve të fundit ai ka luajtur më shumë dhe ka shfaqur shumë kualitet. Më pëlqeu shumë”. 

“Ne duhet ta mbajmë në mend se në atë pozitë kemi një tjetër lojtar me të cilin kemi fituar dy Liga të Kampionëve”. 

“Mendy është një mbrojtës fantastik dhe kur duhet që në të jemi më sulmues Fran mund të luajë”, kishte thënë Ancelotti për temën e krahut të majtë. 

Garcia e nisi si titullar në tri ndeshjet e fundit të Real Madridit në La Liga duke mos pësuar gol  dhe në 20 gola që ka pësuar ‘Los Blancos’ këtë sezon, Garcia ka qenë në fushë për vetëm tri nga to./Telegrafi/