Ylli i Liverpoolit ‘refuzon’ të rinovojë kontratën – dy klube angleze e duan atë

Një lojtar i Liverpoolit raportohet se ka refuzuar të nënshkruajë kontratë të re dhe tashmë dy klube tjera angleze kanë shprehur interesim për të. 

‘Të Kuqtë’ kanë tri dilema para afatit kalimtar veror, me Trent Alexander-Arnold, Virgil Van Dijk dhe Mohamed Salah që do të mbesin pa kontrata në fund të qershorit. 

Asnjë nga këta tre lojtarë nuk është pajtuar me kushtet e reja, teksa Real Madridi ka shfaqur interesim të fortë për Alexander-Arnold. 

Megjithatë, tani kjo dilemë është rritur edhe më shumë pasi është krijuar pasiguri edhe për një lojtar tjetër. 

Lexo po ashtu Arsenali po synon transferimin sensacional të yllit të Liverpoolit në verë

Sipas Football Insider, portieri Caoimhin Kelleher nuk është i gatshëm të nënshkruajë për momentin një kontratë të re në ‘Anfield’. 

Reprezentuesi irlandez do të futet në 12 muajt e fundit të kontratës së tij këtë verë, me Newcastle dhe Chelsea që janë të etur ta transferojnë nëse e mban këtë qëndrim. 

Kelleher ka bërë tetë paraqitje në Ligën Premier këtë sezon në mungesë të Alisson duke impresionuar tifozët, por megjithatë kjo është e pamjaftueshme për të që të sigurojë fanellën e titullarit. 

26-vjeçari momentalisht është zgjedhja e dytë pas Alisson por duke marrë parasysh se atyre do t’i bashkohet në verë edhe Giorgi Mamardashvili, do të jetë e pamundur që të marrë minuta. 

Portieri nga Gjeorgjia nënshkroi për Liverpoolin nga Valencia për shumën e 34 milionë eurove verën e kaluar, por dy klubet arritën marrëveshje që ai të qëndrojë si huazim në Spanjë për gjithë sezonin 2024/2025./Telegrafi/