Ylli i Ligës Premier nuk përfshihet në kombëtaren e tij për Kupën e Kombeve të Afrikës

Klubi i madh i Ligës Premier, Chelsea ka marrë një lajm pozitiv përpara Kupës së Kombeve të Afrikës (AFCON), me një nga lojtarët e tyre yje që nuk përfshihet në skuadrën e tij kombëtare për turneun e janarit.

Të tillë yje si Mohamed Salah dhe Sadio Mane do të shkojnë në Kamerun muajin e ardhshëm për të përfaqësuar kombet e tyre.

Por, Hakim Ziyech nuk do të ketë shansin të luajë për kombëtaren e tij pasi është përjashtuar nga skuadra e Marokut.

Lexo po ashtu Hakim Ziyech përjashtohet nga Maroku për sjellje të papranueshme

Megjithatë, përjashtimi i tij nuk duhet të jetë një surprizë e madhe pasi ylli i Chelseat humbi të gjashtë ndeshjet kualifikuese të vendit të tij për Kupën e Botës 2022 këtë vit.

Ai nuk ka luajtur për skuadrën e Vahid Halilhodzic që nga një miqësore kundër Burkina Fasos në muajin korrik.

Pavarësisht se shihet si njeriu kryesor i Marokut, përplasja e Ziyech me Halilhodzic do të thotë se ai do të shikojë kombëtaren e tij nga shtëpia.

Halilhodzic ka përfshirë talentin e Ligës Premier, mbrojtësin e Wolves, Romain Saiss, si dhe dyshen e Watford, Adam Masina dhe Imran Louza.

Maroku është në grup me Ganën, Gabonin dhe Ishujt Comores dhe e nis kampionatin e tyre më 10 janar. /Telegrafi/