Ylli i Barcelonës në dyshim që të paraqitet në ndeshjen ndaj Mallorcas

Barcelona në tri takimet e fundit në La Liga nuk ka arritur të shënojë fitore, kështu që ata do synojnë t’i japin fund kësaj serie të martën ndaj Mallorcas.

Sidoqoftë, blaugranasit mund të mbeten pa shërbimet e Dani Olmos për në udhëtimin në ‘Son Moix’ për shkak të një shqetësimi.

Olmo nuk ishte rrezikuar nga Hansi Flick në humbjen e pësuar të shtunën në shtëpi ndaj Las Palmas dhe sipas Mundo Deportivo, ai është në dyshim që të ftohet për ndeshjen ndaj Mallorcas.

Reprezentuesi spanjoll u stërvit sot (e diel) por i ndarë nga pjesa tjetër e grupit dhe me një intensitet të ulët për të shmangur ndonjë lëndim të mëtejshëm.

Nëse Olmo do të mbetet jashtë kësaj sfidë sërish, Barcelona me shumë mundësi do të vendos për njërin mes Fermin Lopez ose Pablo Torre.

Që të dy, Lopez dhe Torre e nisën nga minuta e parë ndaj Las Palmas por nuk arritën që të lënë shenja në atë sfidë.

Në ndërkohë lajm pozitiv është rikthimi i Lamine Yamal i cili ndaj Las Palmas e nisi nga banka, por në ndeshjen ndaj Mallorcas do të luajë nga minuta e parë./Telegrafi/