Askush nuk e kishte besuar që Yll Maliqi do të mposht kampionin e botës në fuqi, serbin Denis Marijanoviç. Por, mbrëmë Maliqi befasoi të gjithë me paraqitjen e tij duke e dërmuar Marijanoviçin gjatë pesë raundeve. Me këtë fitore kikboksieri ynë nga Prishtina fitoi titullin e kampionit të botës në kategorinë deri 86 kilogramë në versionin WKU.
Marijanoviç siç duket e kishte nënçmuar Maliqin, dhe për te kjo përballje dukej vetëm një ndeshje më shumë për mbrojtjen e titullit dhe ngritjes së bilancit të tij, por atij kikboksieri ynë i doli “Hëndek”, siç përdoret një fjalë popullore tek ne. Trajneri i Maliqit, Gaspër Kaçinari së bashku me Yll Maliqin vendosën për një strategji që Marijanoviç siç dukej nuk e kishte pritur. Kikboksieri ynë që nga fillimi përdori strategjinë e kundër gardit dhe kjo dha rezultatë dhe fitore bindëse të thellë. Dominimi vazhdoi nga raund në raund, ndërsa që për Kosova Boxing kikboksieri më i mirë shqiptar aktual, Shkodran Veseli, që ishte prezent deklaroi: “Ylli më ka knaqur sonte. Ai ishte madhështor. Ai ia ka thyer të dy krahët Marijanoviçit. Më erdhi mirë për prezantimin e tij, sepse gjithë shqiptarët ishin skeptikë duke më thënë që Ylli nuk do të ketë shancë, por ja që doli e kundërta dhe jam i lumtur” tha Veseli.
Në fund Maliqi fitoi me vendim unanim pas pesë raundeve.
Kjo fitore e Yll Maliqit konsiderohet më e madhja deri më tani nga ndonjë kikboksier nga trevat e Kosovës. Me gjithë kushtet e vështira në vendin tonë, kjo fitore dëshmon edhe për kikboksierët tanë që jetojnë në Kosovë se duhet punuar dhe ëndërruar dhe gjithçka në jetë mund të realizohet.
“E realizova qëllimin tim. Pas titullit evropian ky është titulli botëror që e kam synuar gjithmonë. Puna ime do të vazhdoj me hapat e tjerë dhe synimet e radhës në karrierën time” theksoi Maliqi për Kosova Boxing.
Për Maliqin kjo ishte fitorja e 14-të në karrierë, karshi 3 humbjeve dhe një barazimi në kikboksin profesionist. Ndërsa Marijanoviç pësoi humbjen e 11-të, karshi 39 fitoreve.
I gëzuar për këtë triumf dukej edhe trajneri i Maliqit, Gaspër Kaçinari. “Pas 8-viteve punë arritëm tek një titull shumë i madh. Edhe për mua si trajner është nder i madh që një kikboksier i imi të shpallet kampion i botës. Jam lumtur për triumfin” theksoi Kaçinari për Kosova Boxing.
Për fund Maliqi falenderoi të gjithë ata që e mundësuan sfidën për titull bote. “Falenderoj Skender Shahinin për rastin që më ka dhanë. Falenderoj Ridvan Vllasaliun përfaqësuesin e WKU-Kosova për mbështetjen gjatë gjithë kohës. Si dhe falenderoj trajnerin tim Gaspër Kaçinari i cili ka besuar në mua dhe më ka ndihmuar gjatë gjithë këtyre viteve”, tha Maliqi.
Lufta Prigozhin - Putin
Më shumëNga Rubrika
“Gjëra të tilla nuk janë as pjesë e ëndrrave tuaja”, fjalët e heroit të Real Madridit
I pari i FSHF-së, Armand Duka konfirmon se Shqipëria dhe Serbia kanë kandiduar së bashku për organizimin e Euro 2027 për U-21
Shtyhet rikuperimi për rreth tre muaj, Gavi mund t’i mungojë Barcelonës deri më 2025
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Polemika për golin e anuluar të Bayernit: Ishte apo jo pozicion jashtë loje?
Festimi i veçantë i Rudiger: 70 metra sprint në stilin e tij!
Tifozët assesi të pajtohen me atë që Henry ka thënë për Mbappen
Ancelotti: Ankesat e Bayernit? Në rregull, ankohemi edhe ne për golin e Nachos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend