Xavi i ‘tërbuar’ pas humbjes nga Interi: Vendimet e gjyqtarit ishin vendimtare

Trajneri i Barcelonës, Xavi Hernandez, ishte “tërbuar” pas humbjes në Ligën e Kampionëve ndaj Interit, duke e konsideruar si “një zemërim” vendimet e VAR-it për anulimin e golit dhe më vonë mos dhënien e penalltisë për skuadrën e tij.

Ndeshja përfundoi me rezultat 1-0 në Giuseppe Meazza falë një goli të bukur nga distanca nga mesfushori turk, Hakan Calhanoglu.

Edhe pse Barça dominonte me posedimin e topit, ata kishin pak mundësi reale për shënim, duke rrezikuar vetëm me anë të Ousmane Dembeles.

Pedri e dërgoi më vonë topin në rrjetë, por ai gol u anulua pas rishikimit të VAR-it sepse Ansu Fati kishe luajtur me dorë brenda zonës.

Lexo po ashtu Interi bën hap të madh në ‘grupin e vdekjes’ duke e mposhtur Barcelonën

Polemika e vërtetë erdhi në ndalesa, pasi një krosim i Dembeles dukej se goditi dorën e Denzel Dumfries, dhe VAR vendosi pas një kontrolli shumë të gjatë të mos akordonte asgjë dhe Xavi i ‘tërbua’.

“Jam i indinjuar dhe i zemëruar nga situata që duhet të përjetonim. Nuk ka asnjë fjalë për këtë veçse një zemërim”, u ka thënë fillimisht Xavi gazetarëve pas ndeshjes.

“Është një padrejtësi. Unë thashë tashmë dje se gjyqtarët duhet të shpjegojnë vendimet e tyre. Nuk e kuptonim se çfarë po ndodhte. Gjyqtarët duhet të flasin, kjo do të ndihmojë në humanizimin e tyre si dhe për të sqaruar gjërat”.

Match Report | #InterBarçahttps://t.co/9jaZa2sTxN

— FC Barcelona (@FCBarcelona) October 4, 2022

“Për sa më përket mua, prekja me dorë është shumë i qartë. Prandaj, vendimet e gjyqtarit kanë qenë vendimtare.”

Pas kësaj, Xavi pranoi se Barcelona ishte shumë nën standardet e saj të zakonshme në këtë përballje të Ligës së Kampionëve, gjë që e lë Interin në vendin e dytë pas liderëve të Bayern Munich.

Lexo po ashtu Notat e lojtarëve: Inter 1-0 Barcelona, veçohet paraqitja e Calhanoglu

“Ne u zgjuam shumë vonë, vetëm në fund, por nuk i konkretizuam rastet tona. E dinim që gjuajtja e Calhanoglu nga jashtë zonës ishte një nga pikat e tyre të forta, por ne kemi ende tre finale në këtë grup”.

"I'm indignant, because we don't understand anything … We have three more finals to come, two of them at home … we have to focus on more intensity."

— Xavi pic.twitter.com/UiLrPJEuhP

— FC Barcelona (@FCBarcelona) October 4, 2022

“Situata është komplekse dhe ne duhet të përpiqemi ta kthejmë atë në rrugën e duhur. Realiteti është se ne kemi dy ndeshje të rëndësishme për të luajtur në shtëpi dhe duhet t’i luajmë ato me më shumë intensitet dhe një ritëm më të lartë”.

“Këtë mbrëmje na mungonte ritmi që kërkon Liga e Kampionëve. Ne nuk ishim në nivel në pjesën e parë dhe vendimmarrja jonë ishte gjithashtu e dobët. Është për të ardhur keq, ne merituam të paktën një barazim”, përfundoi trajneri i Barçës. /Telegrafi/