Trajneri i Barcelonës, Xavi ka thënë se ai refuzoi një ofertë pune për t'u bashkuar me stafin e Brazilit, sepse donte të priste mundësinë për të marrë drejtimin e skuadrës nga Camp Nou.
Federata Braziliane e Futbollit (CBF) iu afrua ish-mesfushorit në vitin 2021 me një ofertë për t'u bashkuar me stafin e trajnerit Tite, por Xavi donte një rol të trajnerit dhe vendosi të priste radhën e tij te Barcelona.
“Ishte një mundësi krejtësisht e papritur. Kam folur me ta përmes agjentit tim, pata mundësinë të bashkohem me stafin e Tites dhe të punoj me ta, por doja të isha trajneri kryesor, prisja mundësinë time për të qenë te Barcelona”, ka thënë fillimisht Xavi për Goal.
“Jam aty ku dua të jem, për mendimin tim në klubin më të mirë në botë, dhe kjo është në zemrën time. Jam aty duke u kënaqur dhe duke u përpjekur ta kthej situatën në Barcelonë, por pata një shans dhe fola me ta. Ishte e papritur, historike do të thosha, por e refuzova sepse doja të isha trajner”, përfundoi spanjolli.
Xavi përfundoi duke marrë detyrën e trajnerit të Barçës në nëntor 2021, duke zëvendësuar Ronald Koeman pas një fillimi zhgënjyes të sezonit. Ai i udhëhoqi Blaugranët në vendin e dytë në La Liga.
Skuadra e tij ka një fillim të fortë këtë sezon pasi ata janë në krye të tabelës, por ata u eliminuan nga fazat e grupeve të Ligës së Kampionëve.
Pas Kupës së Botës, djelmoshat e Xavit do t'i rikthehen aksionit të ndeshjeve vendasve me një ndeshje kundër Espanyolit më 31 dhjetor. /Telegrafi/
