Vrasja e ish-presidentit të Jemenit, në internet qarkullojnë pamje që thuhet se tregojnë trupin e tij (Video,+18)

Ministria e Brendshme e Jemenit, e cila kontrollohet nga lëvizja rebele Huthi, tha se ish-presidenti i këtij vendi, Ali Abdullah Saleh, deri vonë aleat i rebelëve, është vrarë në luftime, kanë raportuar mediat gjatë ditës së sotme.

“Ministria e Brendshme shpall fundin e krizës së milicive dhe vrasjen e liderit të tyre”, tha folësi i lajmeve në televizionin e rebelëve Al-Masirah, duke iu referuar mbështetësve të armatosur të Salehut.

Organizatat mediatike Al-Arabiya dhe Reuters cituan burime të paidentifikuara nga partia e Salehut të kenë konfirmuar se ai është vrarë të hënën.

Më 2 dhjetor, Saleh ka thënë se e ndërpret aleancën me rebelët Huthi, me të cilët ka bashkudhëheqrur kryeqytetin Sana, për tre vjet.

Saleh, 75 vjeç, ka sunduar Jemenin për më shumë se tri dekada deri në rrëzimin e tij nga presioni popullor më 2012.

Jemeni është në luftë civile qysh më 2014, kur rebelët Huthi e kanë rrëzuar qeverinë.

Ndërkohë në internet janë publikuar disa pamje të cilat thuhet se tregojnë trupin e një burri që i ngjan Salehut, ku ai shihet me një plagë të rëndë në kokë. /Telegrafi/

https://www.youtube.com/watch?v=PV3YvR8z55s